موتي غيابكـ

موتي غيابكـ



ما خنتني لكنك أبعدت وأبطيت
وأدمعت عينً باكيه من صدودك

خليتني عايش بدونك وصديت
واقفيت عني وين ماضي وعودك؟

ناديت لك باكي من الحزن ناديت
ابي كرم وصلك من غيوم جودك

غنيت لأجلك أجمل الشعر غنيت
كنت احترق لك وانت مقسى برودك

لاشفت انا اسمك ضاق صدري وحنيت
أبدا الرسايل واتحرّى ردودك

وش جاك مني يوم عني تخليت
اشوف عقب الوصل ذبلت ورودك

ان زاد حزنك وسط قلبك تمنيت
أشيل حزنك لأجل يهنا رقودك

أرجوك كافي من عذابك تعنيت
ياليت أشوفك وافيٍ لي عهودك


مدامني عايش لك الحب خصيت
موتي غيابك والفرح في وجودك

كلمات : محمد الجاسر